ތަކުރާރުކޮށް ފޭކު ސްލިޕް ފޮނުވައިގެން ކާތަކެތި އޯޑަރު ކުރާ މީހަކު ހައްޔަރުކޮށްފިއެވެ.
ކްރިމިނަލް ކޯޓުން ނެރުނު ބަންދު އަމުރުގައިވާ ގޮތުން އެ މައްސަލައިގައި ހައްޔަރުކުރީ ގދ. ފަރެސްމާތޮޑާ/ އިރަމާގެ، މުހައްމަދު ޖައުދާން (23އ.)އެވެ. އެ މައްސަލައިގައި އޭނާ 15 ދުވަހަށް ބަންދުކުރަން ވެސް ކޯޓުން ވަނީ އަމުރުކޮށްފައެވެ.
ބަންދު އަމުރުގައިވާ ގޮތުން ހަނީފްއާ ދެކޮޅަށް އެކަށީގެންވާ ހެކި ހުށަހަޅާފައިވެއެވެ. އެގޮތުން ސައްހަ ނޫން ސްލިޕް ފޮނުވައިގެން އޯޑަރުކުރި ކާތެއްޗާ ހަވާލުވީ ޖައުދާންކަން އެނގޭ ކަމަށް ވެސް ބުނެފައިވެއެވެ. އެހެންކަމުން އޭނާގެ މައްޗަށް ކުރަނީ މަކަރާއި ހީލަތުގެ ފައިސާ ފޭރުމުގެ ތުހުމަތެވެ.
ފޭކު ސްލިޕް ފޮނުވައިގެން ފިހާރަތަކުން ވިޔަފާރި ކުރުމުގެ މައްސަލަ ވަރަށް ބޮޑެވެ. އަދި އެފަދަ މައްސަލަތަކުގައި މީގެ ކުރިން ވެސް މީހަކު ހައްޔަރުކޮށްފައިވެއެވެ.