ކޮންމެ ބޮޑު އީދަކާ ދިމާކޮށް ދިވެހިން އެންމެ އިންތިޒާރުކުރާ އެއް ކަމަކީ އީދުގެ ފޯރިގަދަ ލަވަތަކެވެ. އެގޮތުން މިފަހަރު މުޅި މީޑިއާއާއި ސޯޝަލް މީޑިއާ އެއްއަޑަކުން ގަދަކޮށްލާފައިވަނީ “ހޭވައްލަ ބޮޑުބެރު ގްރޫޕް” އާއި “ކްރިއޭޓިވް ނެޓްވޯކް” ގުޅިގެން ނެރުނު އާ އީދު ލަވަ “އީދު ގޮއްޔެ” އިންނެވެ. މި ލަވަ ރިލީޒްވުމާއެކު މުޅި ރާއްޖޭގެ ސަމާލުކަން ހޯދައި، މިހާރު މިއީ މުޅި މުޖުތަމައުގެ “ޓޯކް އޮފް ދަ ޓައުން” އެވެ.
ދިވެހިވަންތަ، އަސަރުގަދަ އަދި ސަކަރާތްޖެހުމުގެ ރޫހެއް ގެނެސްދޭ މި ލަވައަކީ ހަމައެކަނި ވަރުގަދަ ޑިއޯއެއް ނޫނެވެ. މިއީ ރާއްޖޭގެ އެންމެ ހުނަރުވެރި އާޓިސްޓުން އެއްވެގެން އުފައްދާފައިވާ މާސިންގާ ސިނެމެޓިކް ޕްރޮޑަކްޝަނެކެވެ.
ލަވައިގެ މައިގަނޑު ކާސްޓުންގެ ގޮތުގައި ފެނިގެންދަނީ ދިވެހިންގެ މަގުބޫލުކަން ހޯދާފައިވާ ހުނަރުވެރި ތަރިން ކަމަށްވާ ވާޝިޔާ މުހައްމަދު (ޝިޔާ)، އަހުމަދު ވަލީދު (ފިއްޓެ)، މުހައްމަދު އިޝްފާންގެ އިތުރުން މޫސާ ފާހިރު (ތުއްތޮންބެ) އެވެ.
މީގެ އިތުރުން، މި ލަވައަށް ލިބުނު އެންމެ ބޮޑު ސަޕްރައިޒަކީ ރާއްޖޭގެ އެންމެ މަގުބޫލު ދެ މޫނު ކަމަށްވާ ޗުވީޓް އާޝާ އަދި ޗެރީ ހުނޫ ގެ ހާއްސަ ފެނިލުންތަކެވެ. މި ތަރިންގެ ސަކަރާތާއި ހިތްގައިމު ހަރަކާތްތަކުން ލަވައިގެ ފޯރި ވަނީ ދެގުނަވެފައެވެ.
ލަވައިގެ ވިޝުއަލްސްތަކަށް ބަލާއިރު، ޑައިރެކްޓަރ އޮފް ފޮޓޯގްރަފީ ސަމާހު އިބްރާހިމް އާއި ކެމެރާ އެސިސްޓް އިސްމާއިލް އިބާން (ބައިން) ގެ މަސައްކަތުން ވަނީ ސްކްރީނަށް ކުލަގަދަ، ޕްރީމިއަމް އަދި ސިނެމެޓިކް ފެންވަރުގެ މަންޒަރުތަކެއް ގެނެސްދީފައެވެ.
މި ބޮޑު ޕްރޮޑަކްޝަން އިތުރަށް ފުރިހަމަވެގެންދަނީ ރިބާހު ހުސައިން (ލިޔާންސޯރާ) ގެ ފުރިހަމަ ޅެންވެރިކަމަށް އަލީ ޔާމީން (ޔާމްބެ)، އިޔާދު އިޝާގް (ލައްޑޫ) އަދި ކޮމްޕޯސަރ ހުސައިން ސަމްހާން (ޝައްމު) ގެ ރާގުތަކާއި ފުރިހަމަ ވޯކަލްސްތަކުންނެވެ. މި ލަވައިގެ މިއުޒިކް މިކްސިންގް އަދި މާސްޓަރިންގް ހަދާފައިވަނީ ހޭވައްލަ ސްޓޫޑިއޯއިންނެވެ.
އީދުގެ ސަގާފީ ނެށުންތައް ޒަމާނީ ފެންވަރަށް އަޒްހާން އިބްރާހިމް ކޮރިއޮގްރާފް ކޮށްދީފައިވާއިރު، ތަރިންގެ ހެދުންތައް ފަރުމާކުރީ ޖާދުﷲ އިސްމާއިލް އާއި އަޒްހާން އިބްރާހިމް އެވެ. އަދި ތަރިންގެ މޭކަޕްގެ ކަންކަން ބެލެހެއްޓީ ރިޒްނާ އަހުމަދު (ރިޒްދައިތަ) އެވެ.
ސަގާފީ ބޮޑުބެރުގެ ހަކަތައާއި، ޒަމާނީ މިއުޒިކްގެ ފުރިހަމަ ގުޅުން ފެނިގެންދާ “އީދު ގޮއްޔެ” އަކީ މިހާރުވެސް ޔޫޓިއުބް އަދި އެކި ޕްލެޓްފޯމްތަކުގައި ވިއުސްގެ ރެކޯޑްތައް މުގުރަމުންދާ ހިޓެކެވެ. މިއީ މިފަހަރުގެ ބޮޑު އީދު ފާހަގަކުރުމުގައި ކޮންމެހެންވެސް ޕްލޭލިސްޓަށްލާން ޖެހޭނެ ފޯރިގަދަ ލަވައެކެވެ.