މި އަހަރުގެ މިހައި ތަނަށް މުދަލު ޒަކާތުގެ ގޮތުގައި ބަލައިގަތް ޢަދަދު މިދިޔަ އަހަރު ލިބުނު ޖުމުލަ އަދަދަށް ވުރެ އިތުރުވެއްޖެއެވެ.
މޯލްޑިވްސް ޒަކާތު ހައުސްއިން މިއަދު ބުނީ މި އަހަރުގެ ޖެނުއަރީ މަހުން ފެށިގެން މިދިޔަ މަހުގެ ނިޔަލަށް މުދަލު ޒަކާތުގެ ގޮތުގައި ޖުމުލަ 109,262,025.69ރުފިޔާ ލިބިފައިވާ ކަމަށެވެ. މިއީ 2025ވަނަ އަހަރު އެއްކޮށް ލިބުނު 106,456,071.00ރުފިޔާއަށް ވުރެ 2,805,954.69ރުފިޔާ އިތުރު އަދަދެކެވެ.
މިއަހަރުގެ މިހައި ތަނަށް މުދަލު ޒަކާތުގެ ގޮތުގައި ލިބުނު އަދަދަކީ 2025ވަނަ އަހަރު ބަލައިގަތް ޖުމުލަ ޢަދަދާ އަޅާބަލާ އިރު ގާތްގަނޑަކަށް 2.54ޕަސެންޓްގެ ކުރިއެރުމެކެވެ.
މި އަހަރުގެ ސެޕްޓެމްބަރު 30ގެ ނިޔަލަށް ދިވެހި ރުފިޔާއިން ޖުމްލަ 108,739,116.62ރުފިޔާ ލިބިފައިވާއިރު، 34,021.41ޔޫ.އެސް ޑޮލަރު ވެސް ވަނީ ލިބިފައެވެ.
މިދިޔަ އަހަރުގެ ޖުމުލަ އަދަދު ފަހަނަޅައި ގޮސްފައި މިވަނީ މި އަހަރު ނިމެން އަދި ތިން މަސްދުވަސް ބާކީ އޮއްވައެވެ. އެހެންކަމުން އޮކްޓޫބަރު މަހުން ފެށިގެން ޑިސެންބަރު މަހުގެ ނިޔަލަށް ލިބޭ ފައިސާ އަދި މި އަހަރުގެ ޖުމުލަ ޢަދަދަށް އިތުރުވާނެއެވެ.