އަދާލަތު ޕާޓީން އިކޮނޮމިކް މިނިސްޓަރު މުހައްމަދު ސައީދުއާ މިއަދު ބައްދަލުކޮށްފިއެވެ.
އަދާލަތު ޕާޓީން ބުނީ މިއީ ދިވެހި ސަރުކާރުން ތަޢާރަފު ކުރައްވާފައިވާ “މޯލްޑިވްސް ޕާރލް ރެސިޑެންސީ” ޕްރޮގްރާމާ ގުޅިގެން ޢަދާލަތު ޕާޓީގެ ފަރާތުން ސާފުކުރަން ބޭނުންވާ މުހިންމު ކަންކަން އޮޅުންފިލުވުމަށްޓަކައި، ބޭއްވި ބައްދަލުވުމެއް ކަމަށެވެ.
އެ ބައްދަލުވުމުގައި އަދާލަތު ޕާޓީގެ ރައީސް މުޙައްމަދު ޝިފާންގެ އިތުރުން އިސް އެ ޕާޓީގެ އިސް ބޭފުޅުން ބައިވެރިވެވަޑައިގެންނެވިއެވެ. ނަމަވެސް އެ ބައްދަލުވުމާ ގުޅޭ އިތުރު ތަފްސީލެއް އަދާލަތު ޕާޓީން ނުދެއެވެ.
ޕާލް ރެސިޑެންސީ ޕްރޮގްރާމްއަކީ ރާއްޖޭގައި އިންވެސްޓްކޮށް ދިގުމުއްދަތަކަށް ރާއްޖޭގެ ތިބެވޭނެ އިންތިޒާމު ހަމަޖެއްސުމަށް ހާއްސަ ވިސާއެއް ލިބޭ ގޮތަށް ތައާރަފްކުރަން ނިންމާފައިވާ ވިސާއެކެވެ. މިއީ މެލޭޝިއާ ފަދަ ދުނިޔޭގެ އެހެނިހެން ގައުމުތަކުގައި ވެސް ދޭ ވިސާއެކެވެ. އެ ވިސާ ޕްރޮގްރާމް ފަރުމާ ކުރުމަށް ސަރުކާރުން ވަނީ ބައިނަލްއަގުވާމީ ކުންފުނި ހެންލީ އެންޑް ޕާޓްނާސް ކުންފުންޏާ ހަވާލުވެސްކޮށްފައެވެ.
އިކޮނިމިކް މިނިސްޓަރު ސައީދު ކުރިން ވިދާޅުވި ގޮތުގައި މިއީ އިންވެސްޓްމަންޓަށް ހުޅުވިގެންދާނެ އިތުރު ފުރުސަތެކެވެ.