ޓޫރިސްޓް ރިޒޯޓެއް ތަރައްޤީކުރުމަށް މި ވުޒާރާއިން ކުއްޔަށްދޫކޮށްފައިވާ އދ. ކުޑަރަށް ކުއްޔަށް ހިފާފައިވާ ފަރާތުން ވިއްކާލައިފިއެވެ.
ޓޫރިޒަމް މިނިސްޓްރީން ވަނީ އދ. ކުޑަރަށް އދ. ކުޑަރަށް، ކުއްޔަށް ދިނުމާބެހޭ ލީސް އެގްރީމެންޓުގެ ދަށުން، އެ ރަށް ކުއްޔަށް ހިފާފައިވާ ފަރާތަށް ލިބިދީފައިވާ އެންމެހާ ޙައްޤުތައް، އެހެން ފަރާތަކަށް ބަދަލު ކުރުމުގެ ހުއްދައަށް އެދި އެފަރާތުން ހުށަހަޅުއްވާފައިވާތީ، އެ ރަށާއި ގުޅިގެން އެއްވެސް ދަރަންޏެއް ނުވަތަ މައްސަލައެއް އޮތްތޯ ބަލަން އިއުލާނުކޮށްފައެވެ. ނަމަވެސް މި ރަށް ވިއްކާލާފައިވަނީ ކޮން ބަޔަކަށް ކަމެއް ނޭނގެއެވެ.
އެންއެޗް ކުޑަރަށް ރިސޯޓަކީ ކުރިން ބަރޮސް ބްރޭންޑާއި އަމާޔާ ގްރޫޕުން ހިންގަމުން އައި “ކުޑަރަށް”ރިސޯޓު، ބައިނަލްއަގުވާމީ މަޝްހޫރު ހޮޓެލް ޗެއިންއެއް ކަމަށްވާ މައިނާ ހޮޓެލްް (އަނަންތަރާ އަދި އަވާނީ ފަދަ ބްރޭންޑްތައް ހިންގާ ކުންފުނި)އިން ގަނެ، އެ ކުންފުނީގެ ބްރޭންޑްގެ ދަށުން އަލުން ރީބްރޭންޑްކޮށްގެން ހިންގަމުން އަންނަ ބުޓީކް ރިސޯޓެކެވެ. މިއީ މި ބްރޭންޑުން ދިވެހިރާއްޖޭގައި ހުޅުވި ފުރަތަމަ ރިސޯޓެވެ.
މި ރިސޯޓް އޮންނަނީ އަރިއަތޮޅު ދެކުނުބުރި (އދ. އަތޮޅު)ގައެވެ. ވެލާނާ އިންޓަރނޭޝަނަލް އެއާޕޯޓުން ފުރައިގެން ސީޕްލޭންގައި ގާތްގަނޑަކަށް 25މިނެޓުން މި ރަށަށް ދެވޭނެއެވެ. (ސީޕްލޭން ދަތުރަށްފަހު ކުރު ލޯންޗު ދަތުރެއް ހިމެނެއެވެ).
ރަށުގެ ބޮޑުމިނަކީ ގާތްގަނޑަކަށް 6ހެކްޓަރުގެ ކުޑަ، އެކަމަކު ހިތްފަސޭހަ ޕްރައިވެޓް އައިލެންޑެކެވެ.
މި ރިސޯޓުގައި ޖުމްލަ ހުރީ 51ވިލާ އަދި ސުއިޓްއެވެ. މީގެ އެންމެ ޚާއްޞަ ސިފައަކީ ކޮންމެ ކޮޓަރިއަކާއެކު ޕްރައިވެޓް ޕޫލެއް ނުވަތަ ޖަކޫޒީއެއް ހިމެނުމެވެ. އަދި އަތިރިމަތީގައި ހުންނަ ކޮޓަރިތަކެވެ. މީގެ އިތުރުން މޫދު ހަދާފައިވާ ވިލާތަކެއް ކަމުން، ކޮޓަރިން ސީދާ މޫދަށް ފޭބޭ ގޮތަށް ހުރެއެވެ. މީގެ ބައެއް ވިލާތަކުގައި ބިއްލޫރި ތަޅުންގަނޑު ހުރެއެވެ. އަދި އާއިލާތަކަށް ޚާއްޞަ، ދެ ބުރިއަށް ހަދާފައިވާ ތަނަވަސް ވިލާތަކެވެ. މީގެ އިތުރުން ކެއުންބުއިމުގެ ޚިދުމަތް ދޭ ރިސޯޓުގައި މައިގަނޑު ދެ ރެސްޓޯރެންޓާއި ބާ އެއް ހުރެއެވެ. އަދި ބައިނަލްއަގުވާމީ އަދި ދިވެހި ރަހަތައް ހިމެނޭ ބުފޭ ކެއުންތައް ލިބޭ މައި ރެސްޓޯރެންޓެވެ.