ނިވާކަން ކުޑަކޮށް ހެދުން އަޅާ ބިދޭސީންނާ މެދު ފިޔަވަޅު އަޅާނެކަމަށް ދިވެހި ފުލުހުންގެ ހިދުމަތުން މިއަދު ބުނެފިއެވެ.
ފުލުހުން މިއަދު ނެރުނު ބަޔާނުގައި ބުނީ މިހާރަކަށް އައިސް، ދިވެހިރާއްޖޭގައި ދިރިއުޅޭ ބައެއް ބިދޭސީން އާންމު އިޖުތިމާއާ މިންގަނޑުތަކާ ހިލާފަށް ނިވާކަން ކުޑަކޮށް ހެދުން އަޅައިގެން މަގުމަތީގައި އަދި އެނޫން އާންމު، ތަންތަނުގައި އުޅޭކަން ފާހަގަކުރެވިފައިވާ ކަމަށެވެ.
އެހެންވެ ބިދޭސީންގެ ކިބައިން އެފަދަ އަމަލުތައް ނުފެންނާނެ ގޮތަކަށް އަމަލުތައް، ބެހެއްޓުމަށް، ހާއްސަ ސަމާލުކަމެއް ދިނުމަށް ބިދޭސީން ގެންގުޅޭ ފަރާތްތަކަށް ފުލުހުން ވަނީ އިލްތިމާސްކޮށްފައެވެ.
އަދި ރާއްޖެއަށް ޒިޔާތްކުރާ ފަތުރުވެރިން ވެސް އާންމު. ތަންތަނާއި މަގުތަކުގައި އުޅޭއިރު ދިވެހި މުޖުތަމައުގެ ސަގާފަތާއި، އާދަކާދައަށް އިހުތިރާމުކޮށް، މުޖުތަމައުގެ. އާންމު، އިޖުތިމާއީ، މިންގަނޑުތަކާ އެއްގޮތަށް، ހެދުން އެޅުމަށް އެފަދަ. ފަރާތްތަކަށް ހިދުމަތް ދޭފަރާތްތަކުން ހާއްސަ ސަމާލުކަމެއް ދިނުމަށް ފުލުހުން އިލްތިމާސްކުރިއެވެ.
އަދި އެއާއި ހިލާފަށް އަމަލުކުރާ. ފަރާތްތަކާމެދު ގާނޫނީ ފިޔަވަޅު އަޅާނެކަމަށް ވެސް ފުލުހުން ބުންޏެވެ.
ޓޫރިސްޓުން އާންމު ތަންތަނުގައި ނިވާކަން ކުޑަކޮށް އުޅޭ މައްސަލަ ހުދު ރައީސް ޑރ. މުހައްމަދު މުއިއްޒު މިދިޔަ އަހަރު އއ. އުކުޅަހަށް ވަޑައިގެން ވެސް ފާހަގަކުރެއްވިއެވެ.