ޖިންސީ ފުރައްސާރަކުރި މައްސަލައިގައި ކާކުކަން ނޭނގިކަން ހޯދަމުން ދިޔަ ފިރިހެން މީހާ މިހާރު ދެނެގަނެވެފައިވާކަމަށް ފުލުހުން ބުނެފިއެވެ.
ފެމިލީ އެންޑް ޗައިލް ޕްރޮޓެކްޝަންގެ ފެމިލީ އެންޑް ޖެންޑަރ އެފެއަރޒްއިން ތަހުގީގު ކުރަމުންދާ ޖިންސީ ފުރައްސާރަކޮށްފައިވާކަމަށް ތުހުމަތުކުރެވޭ މައްސަލައަކާ ގުޅިގެން ކާކުކަން ނޭނގިގެން އޭނާ ހޯދަން ފުލުހުން އާންމުކުރީ އިއްޔެއެެވެ.
ދަބަހެއް ހުންނަ ފިރިހެނަކު ގެޔަކަށް ވަންނަ މަންޒަރާއި ނުކުންނަ މަންޒަރު އެކަނި ފެންނަ ވީޑިއޯ އެއްވެސް އާންމުކޮށް އޭނާއާ ބެހޭ އެއްވެސް މައުލޫމާތެއް އެނގޭނަމަ ފެމިލީ އެންޑް ޖެންޑާ އެފެއާޒްގެ ނަންބަރު 9790163އަށް ގުޅައި ހިއްސާކުރަން ވެސް ފުލުހުން އޮތީ އެދިފައެވެ.
ފުލުހުން ރޭ ފަހުން ބުނީ އެ މީހާ މިހާރު ދެނެގަވެފައިވާ ކަމަށެވެ. އިތުރު ތަފްސީލެއް ނުދެއެވެ. އެހެންވެ އެ މީހާއަކީ ދިވެއްސެއް ކަމެއް ވެސް ހައްޔަރުކުރިކަމެއް ވެސް ސާފެއް ނުވެއެވެ.