ނަފްސާނީ ހެލްޕްލައިން 1677އަށް މިހާތަނަށް 23،000އަށް ވުރެ ގިނަ ކޯލްކޮށްފައިވާ ކަމަށް ހެލްތު މިނިސްޓަރު ގީލާ އަލީ މިއަދު ވިދާޅުވެއްޖެއެވެ.
ނަފްސާނީ އެހީތެރިކަން ދޭ ހެލްޕްލައިނެއްގެ ގޮތުގައި 1677 ހަމަޖައްސާ އެ ހެލްޕްލައިންގެ ހިދުމަތް ދޭން ފެށީ 2024ވަނަ އަހަރުގެ ފެބްރުއަރީ މަހުއެވެ.
ރައީސް އޮފީހުގައި މިއަދު ބޭއްވި ނޫސްވެރިންގެ ބައްދަލުވުމުގައި ހެލްތު މިނިސްޓަރު ގީލާ އަލީ ވިދާޅުވީ ހެލްޕްލައިން ފެށި 2024ވަނަ އަހަރު ވެސް 2,576 ކޯލް ލިބުނު ކަމަށެވެ. އަދި 2025ވަނަ އަހަރު 10,821 ކޯލް ލިބުނު އިރު މި އަހަރުގެ މިހާތަނަށް 10,282 ކޯލް ލިބިފައިވާކަމަށް އެކަމަނާ ވިދާޅުވި އެވެ. އެއީ ޖުމްލަ 23،679 ކޯލްއެވެ.
1677 މި ހެލްޕްލައިނަކީ 24 ގަޑިއިރު ހިދުމަތް ލިބޭ ހެލްޕްލައިނެކެވެ. މި ހެލްޕްލައިންގެ މަގްސަދަކީ ހުރިހާ އުމުރުފުރާއަކަށް އަވަސް ސަޕޯޓް ދިނުންކަމަށް އެ މިނިސްޓްރީއިން ވަނީ ބުނެފައިއެވެ.
ހެލްޕްލައިނުން ލިބޭޚިދުމަތްތަކުގެ ތެރޭގައި އަސާސީ، ނަފްސާނީ ފަސްޓް އެއިޑް، އިމޯޝަނަލް ސަޕޯޓް، މައްސަލަ ހައްލުކުރުން، މަޢުލޫމާތު އަދި އެކަށީގެންވާ ޚިދުމަތްތަކަށް ރިފަރ ކުރުން ހިމެނެއެވެ.
ސައިކޯ ސޯޝަލް ސަޕޯޓު ފޯރުކޮށްދިނުމަކީ ވެސް މި ހެލްޕްލައިން ގާއިމުކުރުމުގެ މަގުސަދެކެވެ.
ނަފްސާނީ އެހީ ފޯރުކޮށްދިނުމަށް ބޭނުންވާ ހިދުމަތްތައް ގާއިމުކުރުމަކީ ރައީސް ޑރ. މުހައްމަދު މުއިއްޒުގެ ހަފްތާ 14 މަގުޗާޓުގައި ހިމެނޭ ކަމެއްކަން ފާހަގަކޮށްލެވެއެެވެ.