މާލޭގެ ސްޓެލްކޯ ފަހަތުގައި ހުންނަ ބަސް ސްޓޮޕެއްގައި އާންމުން ތިއްބައި، އެތާގައި ހަރުކޮށްފައިވާ ޓީވީއެއް ނައްޓައިގެން ވަގަށް ގެންދިޔަ މީހަކު ދެނެގަތުމުގެ މަސައްކަތް ދިވެހި ފުލުހުންގެ ޚިދުމަތުން ފަށައިފިއެވެ.
މި މައްސަލަ ތަހުގީގު ކުރަމުންދާ ހެންވޭރު ޕޮލިސް ސްޓޭޝަނުން މިހާރު ވަނީ އެ މީހާގެ ވަނަވަރު ހޯދުމަށްޓަކައި ސީސީޓީވީ ފޫޓޭޖެއް އާންމުކޮށްފައެވެ. ފުލުހުން އާންމުކުރި ވީޑިއޯއިން ފެންނަ ގޮތުގައި، އެ ފިރިހެން މީހާ ފުރަތަމަ މަޑުކޮށްލައިގެން ހުންނަނީ ބަސް ސްޓޮޕްގެ ބޭރުގައި ފޯނަކުން ވާހަކަ ދައްކާށެވެ. އެއަށްފަހު، އެތެރޭގައި މީހުން ތިއްބައި ވަދެ، އެތަނުގައި ހަރުކޮށްފައިވާ ޓީވީ ނައްޓުވާލުމަށްފަހު ކިހިލިފަތްދަށަށް ލައިގެން ނުކުމެގެންދާ މަންޒަރު ވަރަށް ސާފުކޮށް ފެންނަން ހުރެއެވެ.
The Maldives Police Service is trying to locate the individual seen in the video below with regard to a case currently being investigated by the Henveiru Police Investigation.
The Maldives Police Service urges anyone with information on the individual seen in the video to… pic.twitter.com/Roskmz0ZGe
— Maldives Police (@PoliceMv) September 14, 2026
ފުލުހުން ވަނީ ވީޑިއޯއިން ފެންނަ މީހާއާ ގުޅޭ އެއްވެސް މައުލޫމާތެއް އެނގޭ ފަރާތެއް ވާނަމަ، ހެންވޭރު ޕޮލިސް އިންވެސްޓިގޭޝަންގެ ނަންބަރު 9400053އަށް ގުޅުއްވައި އެކަން ހިއްސާކޮށްދެއްވުމަށް އާންމުންގެ ކިބައިން އެދިވަޑައިގެންފައެވެ. މީގެ އިތުރުން، މިފަދަ ކުށްތައް ތަހުގީގުކޮށް ކުށްވެރިން ހޯދުމުގައި ރައްޔިތުންގެ ފަރާތުން ލިބެމުންދާ ފުރިހަމަ އެއްބާރުލުމަށް ފުލުހުން ވަނީ ޝުކުރު އަދާކޮށްފައެވެ.
ފަހަކަށް އައިސް މާލޭގައި ވައްކަމުގެ މިފަދަ މައްސަލަތައް ދޭތެރެދޭތެރެއިން ފެންމަތިވަމުންދާއިރު، ތުހުމަތުކުރެވޭ މީހުން ހޯދުމަށް ފުލުހުން ގެންދަނީ ސީސީޓީވީ ފޫޓޭޖުތައް މީޑިއާގައި އާންމުކުރަމުންނެވެ.