މާލޭގެ ބޮޑުތަކުރުފާނު މަގުގައި ހުންނަ ފުލުހުންގެ ޓޯޔާޑު ސަރަހައްދުން، ފުލުހުންގެ ޕެޓްރޯލް ކާރަކާއި އާންމު ފަރާތަކުން ދުއްވި ސައިކަލެއް މުޑިއަރައި ހިނގި މަގުމަތީގެ އެކްސިޑެންޓެއްގައި ސައިކަލު ދުއްވަން އިން މީހާއަށް އަނިޔާވެގެން ހޮސްޕިޓަލަށް ގެންގޮސްފިއެވެ.
މި ހާދިސާއާ ގުޅިގެން ދިވެހި ފުލުހުންގެ ޚިދުމަތުން މަޢުލޫމާތު ދެއްވާފައިވާ ގޮތުގައި، ދެ އުޅަނދު ޖެހި ހިނގި މި އެކްސިޑެންޓުގައި އަނިޔާވި ފަރާތަށް މިހާރު ދަނީ އިންދިރާ ގާނދީ މެމޯރިއަލް ހޮސްޕިޓަލް (އައިޖީއެމްއެޗް)ގައި ފަރުވާދެމުންނެވެ. ނަމަވެސް އޭނާއަށް ލިބިފައިވާ އަނިޔާގެ ސީރިއަސްކަމާ ގުޅޭގޮތުން އިތުރު ތަފުސީލެއް ފުލުހުން ހާމަކުރައްވާފައެއް ނުވެއެވެ.
މި އެކްސިޑެންޓް ހިނގަން މެދުވެރިވި އަސްލު ސަބަބު ދެނެގަތުމަށްޓަކައި، ފުލުހުންގެ ކަމާބެހޭ ގޮފިން މިހާރު ވަނީ މި މައްސަލައިގެ ތަޙުޤީޤު ފަށާފައެވެ.