އައިފޯން 17ޕްރޯ މެކްސްއަކާއި ފެހިކުލައިގެ ގުރައެއްގެ ވެރިފަރާތް ހޯދަން ފުލުހުން މިއަދު އިއުލާންކޮށްފިއެވެ.
ފުލުހުން މިއަދު ކުރި އިއުލާނެއްގައި ބުނީ އައިފޯން 17ޕްރޯ މެކްސްއަކީ އިއްޔެ ޓެކްސީއަކުން ހޮވައިގެން ފުލުހުންނާ ހަވާލުކުރި ފޯނެއް ކަމަށާއި އަދި ގުރައަކީ އިއްޔެ ސިނަމާލެ 2ކައިރިން ފެނުނު ދޫންޏެއް ކަމަށެވެ.
އެ ތަކެތީގެ ވެރިފަރާތުން 9631696އަށް ގުޅައި ކާކުކަން އެނގޭނެ ލިޔުމަކާއެކު ގަލޮޅު ޕޮލިސް ސްޓޭޝަނަށް ހާޒިރުވެ ތަކެއްޗާ ހަވާލުވެވޭނެ ކަމަށް ވެސް ފުލުހުން ބުންޏެވެ.
މިދިޔަ ހޯމަ ދުވަހު ޓެކްސީއަކުން ހޮވައިގެން ރެޑްމީ ބްރޭންޑުގެ މޯބައިލް ފޯނެއް ވެސް ފުލުހުންނާ ވަނީ ހަވާލުކޮށްފައެވެ.
އެ ފޯނުގެ ވެރިފަރާތުން 9393351އަށް ގުޅައި ކާކުކަން އެނގޭނެ ލިޔުމަކާއެކު ހުޅުމާލެ ފޭސް 2ޕޮލިސް ސްޓޭޝަނަށް ހާޒިރުވެ ތަކެއްޗާ ހަވާލުވުމަށް ވެސް ފުލުހުން ބަނީ އިލްތިމާސްކޮށްފައެވެ.
ވައްކަމުގެ ތުހުމަތުގައި ހުއްޓުވައި ސުވާލުކުރި މީހުންގެ އަތުން ފެނިފައިވާ ބައެއް ތަކެތީގެ ވެރިފާރަތް ހޯދަންވެސް ފުލުހުން ވަނީ އިއުލާންކޮށްފައެވެ.