ކާބޯތަކެތީގެ ހިދުމަތްދޭ ތަންތަނުން ނަގާ ފީ 50 ޕަސެންޓް ކުޑަކޮށްދީފިއެވެ.
މޯލްޑިވްސް ފުޑް އެންޑް ޑްރަގު އޮތޯރިޓީ(އެމްއެފްޑީއޭ)އިން މިއަދު ކުރި އިއުލާނެއްގައި ބުނީ ކާބޯތަކެތީގެ ހިދުމަތް ދޭ ތަންތަނާއި ފަރާތްތައް ރަޖިސްޓްރީކުުރުމާއި ލައިސެންދް ދޫކުރުމުގައި އަމަލުކުރާނެ އިންތިގާލީ އުސޫލުގައި ބަޔާންކުރާ ގަވައިދުގެ ދަށުން ކާބޯތަކެތީގެ ހިދުމަތްދޭ ތަންތަން ރަޖިސްޓްރީކުރުމުގައި އެ އޮތޯރިޓީން ނަގަމުންދާ ރަޖިސްޓްރީ ފީއާއި ކެޓަގަރީ ފީ ކުޑަކުރުމަށް ނިންމާފައިވާ ކަމަށެވެ.
އެގޮތުން މިއަދުން ފެށިގެން ދެ އަހަރު ދުވަހުގެ މުއްދަތަށް ކާބޯތަކެތީގެ ހިދުމަތްދޭ ތަންތަނުގެ ރަޖިސްޓްރޭޝަން ފީއާއި ކެޓަގަރީ ފީ 50 ޕަސެންޓަށް ކުޑަކޮށްފައިވާ ކަމަށް އެ އޮތޯރިޓީން ބުންޏެވެ.
ފަހަކަށް އައިސް ކާބޯތަކެތި މުޑުދާރު ތަންތަނުގައި ހަދާ މައްސަލަ ބޮޑުވެފައިވާތީ އެމްއެފްޑީއޭއިން ވަނީ ކާބޯތަކެތީގެ ހިދުމަތް ދޭ ތަންތަނުން އަމަލުކުރަން އުސޫލު ވެސް ހަރުކަށިކޮށްފައެވެ. އަދި މިދިޔަ އަހަރުގެ ފެބްރުއަރީ މަހު އެމްއެފްޑީއޭއިން ވަނީ ބޮޑެތި ޖޫރިމަނާތަކާއެކު ކާބޯތަކެތި އިޝްތިހާރުކުރުމާ ގުޅޭ ހަރުކަށި ގަވައިދެއް ވެސް އެކުލަވާލައި އަމަލުކުރަން ފަށައިފައެވެ.