ކ.ތިލަފުށީ ސައިޓެއްގައި މަސައްކަތްކުރާ ބިދޭސީއަކު ގެއްލިގެން ހޯދަމުންދާކަމަށް ދިވެހި ފުލުހުންގެ ޚިދުމަތުން ބުނެފިއެވެ.
ފުލުހުން ދެންމެ ބުނީ މި މަހު 26ވަނަ ދުވަހުން ފެށިގެން ބިދޭސީއަކު ގެއްލިފައިވާ މައްސަލައެއް 28ވަނަ ދުވަހު ފުލުހަށް ހުށަހެޅިފައިވާ ކަމަށާއި އެ މީހާ ހޯދުމުގެ މަސައްކަތް ކުރަމުންދާ ކަމަށެވެ.
އަދި މިހާތަނަށް ކުރި މަސައްކަތުން އެ މީހާ ހޯދިފައި ވެސް ނުވާ ކަމަށާއި އެ މައްސަލައާ ގުޅިގެން މީހަކު ހައްޔަރުކޮށްފައި ވެސް ނުވާ ކަމަށް ފުލުހުން ބުނެއެވެ.
ގެއްލިފައި ވަނީ ކޮން ގައުމެއްގެ ރައްޔިތެއްކަމެއް ފުލުހުން ހާމަކޮށްފައެއް ނުވެއެވެ.