ވެލާނާ އިންޓަރނޭޝަނަލް އެއަރޕޯޓު(ވީއައިއޭ)ގައި 11ވަނަ އީ-ގޭޓު ހުޅުވައި، ޚިދުމަތް ދޭން ފަށައިފިއެވެ.
މޯލްޑިވްސް އިމިގްރޭޝަނުން ބުނީ، މި ޚިދުމަތް ތައާރަފުކުރެވި، ވެލާނާ އިންޓަރނޭޝަނަލް އެއަރޕޯޓުގެ ޓާމިނަލް 1ގެ އެރައިވަލްގައި ފަސް އީ-ގޭޓު އަދި ޑިޕާޗާގައި ފަސް އީ-ގޭޓުން ޚިދުމަތުގެ އިންތިޒާމްތައް ހަމަޖެހިގެންދާނެ ކަމަށެވެ. އަދި މި ޚިދުމަތްތަކުގެ ސަބަބުން ދިވެހީންނަށް ދަތުރުފަތުރުކުރުމުގައި އިތުރަށް ލުއިފަސޭހަކަން ލިބިގެންދާނެ ކަމަށެވެ.
Controller General of Immigration CP (Retd) Ahmed Faseeh inaugurated the e-gate service for Maldivians at @VelanaAirport Terminal 1 today.
The ceremony was attended by the @PoliceMvCP, Ismail Naveen, and the CEO and Managing Director of Maldives Airports Company Limited… pic.twitter.com/zhMd8iCx8v
— Maldives Immigration (@ImmigrationMV) December 31, 2025
މި އީ-ގޭޓު ރަސްމީކޮށް ހުޅުވައިދެއްވީ، ކޮންޓްރޯލަރ ޖެނެރަލް އޮފް އިމިގްރޭޝަން ސީޕީ އަޙުމަދު ފަސީހެވެ. އަދި މި ރަސްމިއްޔާތުގައި ކޮމިޝަނާ އޮފް ޕޮލިސް އިސްމާޢީލް ނަވީން، މޯލްޑިވްސް އެއަރޕޯޓްސް ކޮންޕެނީގެ ސީއީއޯ އަދި މެނޭޖިން ޑިރެކްޓަރ އިބްރާހިމް ޝަރީފް އަޙުމަދު ވެސް ބައިވެރި ވަޑައިގަންނަވާފައިވެއެވެ.