
ހުޅުމާލެ ފޭސް 2 އިން 14 އަހަރުގެ ކުޑަ އަންހެން ކުއްޖެއް ގެއްލިގެން ހޯދަމުންދާކަމަށް ފުލުހުންގެ ޚިދުމަތުން ބުނެފިއެވެ.
ފުލުހުން ބުނީ، ހޯދަމުންދަނީ ރ. ދުވާފަރު / ސިކްސް ސެންސް، ޝިބާ ރަޝީދު ކަމަށެވެ. ޝިބާ ގެއިން ނިކުމެގެންދިޔައީ ނޮވެމްބަރު 28 ވަނަ ދުވަހުގެ ހަވީރު 05:55 އެހާއިރު ކަމަށާއި އޭގެ ފަހުން ޚަބަރެއްނުވާކަމަށް ޢާއިލާއިން ބުނެފައިވާކަމަށް ފުލުހުން މަޢުލޫމާތުދެއެވެ. އަދި ފުލުހުންނަށް ރިޕޯޓު ލިބުނު ހިސާބުން އެ ކުއްޖާ ހޯދުމުގެ މަސައްކަތް ކުރަމުން އަންނަ ކަމަށާއި މިހާތަނަށް ކުރި މަސައްކަތުން އަދިވެސް އެ ކުއްޖާ ފެނިފައިނުވާކަމަށް ފުލުހުން ބުނެއެވެ.
އެހެންކަމުން، ޝިބާއާ ބެހޭ ގޮތުން އެއްވެސް މަޢުލޫމާތެއް ލިބިފައިވާނަމަ ހުޅުމާލެ ސީރިއަސް ކްރައިމް އިންވެސްޓިގޭޝަންގެ ނަންބަރު 9113900 އަށް ގުޅުއްވައި ހިއްސާ ކުރުމަށް ފުލުހުން އެދެއެވެ. އަދި މިފަދަ ފުރުސަތުގައި އާންމެ ރައްޔިތުންގެ ފަރާތުން ލިބޭ އެއްބާރުލުމަށް ފުލުހުން ޝުކުރުއަދާކުރެއެވެ.

