އެމްޑީޕީގެ ޗެއާޕާސަންގެ މަގާމަށް ރައްޔިތުންގެ މަޖިލީހުގެ ގަލޮޅު ދެކުނު ދާއިރާގެ މެންބަރު މީކާއިލް އަހުމަދު ނަސީމް ވާދަކުރައްވާނެކަން ްމިރޭ އިއުލާން ކުރައްވައިފި އެވެ.
މީކާއިލް މިރޭ އެކްސްގައި ލިއުއްވީ ޕާޓީގެ ލީޑާޝިޕުން އާ ޖީލަކަށް ފުރުސަތު ހޯދުމުގެ މި މަސައްކަތުގައި ޕާޓީގެ އާންމު މެންބަރުންގެ އެއްބާރުލުމާއި ތާއީދަށް އެދިވަޑައިގަންނަވާ ކަމަށެވެ.
މީކާއިލްގެ ޕޯސްޓް އެމްޑީޕީގެ ދެ ފެކްޝަންގެ ވެސް ބައެއް މެންބަރުން ރިޕޯޓްކޮށްފައިވާ ކަން ފާހަގަކޮށްލެވެ އެވެ. މިހާތަނަށް މީކާއިލް ފެންނަނީ ވެސް ވަކި ކޮޅަކަށް އަދި ވަޑައިނުގެން ހުންނެވި ތަނެވެ.
ނަމަވެސް މިދިޔަ ރިޔާސީ އިންތިހާބުގައި އޭނާ ހުންނެވީ ކުރީގެ ރައީސް މމއިބްރާހިމް މުހައްމަދު ސޯލިހާ އެކުގަ އެވެ. ރިޔާސީ އިންތިހާބުގެ ދުވަސްވަރު ޖެހެން ދެން ހުންނެވީ ކުރީގެ ރައީސް މުހައްމަދު ނަޝީދާ އެކުގަ އެވެ.
މީކާއިލްގެ އިތުރުން ދެން ޗެއާޕާސަންގެ މަގާމަށް ވާދަކުރައްވާނެ ކަމަށް އެއްވެސް ބޭފުޅަކު އިއުލާން ކުރައްވާފައެއް ނުވެ އެވެ.
އެމްޑީޕީގެ ޗެއާޕާސަންގެ މަގާމު ހުސްވީ މިދިޔަ ހޯމަ ދުވަހު އެ މަގާމުން ފައްޔާޒު އިސްމާއީލް އިސްތިއުފާ ދެއްވުމުންނެވެ. އެމްޑީޕީގެ މިދިޔަ ސަރުކާރު އެންމެ ނުފޫޒުގަދަ މިނިސްޓަރަކަށް ހުންނެވި ފައްޔާޒު ވަނީ ރިޔާސީ އިންތިހާބުގައި ވާދަކުރައްވާނެ ކަން އިއުލާންކުރައްވައިފަ އެވެ. ޗެއާޕާސަންގެ މަގާމުން އިސްތިއުފާ ދެއްވީ ވެސް ޕާޓީގެ އެހެން ލީޑަރުންނަށް ވެސް ހަމަހަމަ ފުރުސަތެއް ދެއްވަން ކަމަށް ވިދާޅުވެ އެވެ.