އިމިގްރޭޝަންއިން 70 ވަޒީފާއަކަށް ކުރިމަތިލާން ހުޅުވާލައި އެ ވަޒީފާތަކަށް މީހުން ނަގަން އަނެއްކާވެސް ވޯކްއިން އިންޓަވިއުތަކެއް ބާއްވަން ނިންމައިފި އެވެ.
އިމިގްރޭޝަންއިން އެކްސްގައި މިއަދު ބުނީ އަނެއްކާވެސް ވޯކް-އިން އިންޓަވިއުތަކެއް ބާއްވަން ނިންމީ ކުރީ ފަހަރު ލިބުނު ހޫނު ތަރުހީބާ ގުޅިގެން ކަމަށެވެ.
އެ އިންޓަވިއުތައް ކުރިއަށް ގެންދަން ނިންމާފައިވަނީ އަންނަ ހޯމަ ދުވަހު ހުޅުމާލެ ފޭސް ދޭއްގައި ހުންނަ ސަލާހުއްދީން ސްކޫލުގަ އެވެ. އެއީ ހެނދުނު 08:30 އިން ހަވީރު 04:30 އަކަށެވެ.
އިމިގްރޭޝަންއިން ހުޅުވާލީ އިމިގްރޭޝަން އޮފިސަރު ޓްރެއިނީގެ މަގާމަށެވެ. އެ މަގާމަށް މުސާރައާއި އިނާޔަތްތަކުގެ ގޮތުގައި 10،275 ރުފިޔާ ލިބޭނެ އެވެ.
Job Opportunity – 70 Slots!
Following the overwhelming response to our previous walk-in interviews, we’re back with another chance to join our team!
Documents Required:
Completed Civil Service Job Application Form
Copies and originals of academic certificates
Copy of CV
Copy… pic.twitter.com/544fVs6aAy— Maldives Immigration (@ImmigrationMV) October 26, 2025
އެ މަގާމަށް ކުރިމަތިލުމުގެ ޝަރުތުތަކުގެ ތެރޭގައި އޯ ލެވެލް އިމްތިހާނުގައި ދެ މާއްދާއިން ދަށްވެގެން ޑީ ފާސް ލިބުމާއެކު ސެކަންޑްރީ ސްކޫލު ނުވަތަ ހަޔާ ސެކެންޑްރީ އިމްތިހާނުގައި ދިވެހިން ދަށް ވެގެން ސީ ފާސް ލިބިފައިވުން ހިމެނެ އެވެ.
އެންމެ ފަހުން އިމިގްރޭޝަންއިން ވޯކް އިން އިންޓަވިއުއެއް ބޭއްވީ މިދިޔަ މޭ މަހު އެވެ. 50 މުވައްޒަފުން ނަގަން އެ ފަހަރު ބޭއްވި ވޯކް އިން އިންޓަވިއުއަށް 900 އަށް ވުރެ ގިނަ މީހުން ދިޔަ އެވެ.