ޗީފް ޖުޑީޝަލް އެޑްމިނިސްޓްރޭޓަރުގެ މަޤާމަށް، ތަޖުރިބާކާރު ޤާނޫނީ ވަކީލު އާދަމް ޝަމީމް، ޖުޑީޝަލް ސަރވިސް ކޮމިޝަން (ޖޭއެސްސީ)އިން އައްޔަންކުރައްވައިފިއެވެ.
މިކަން ކަށަވަރުކޮށްދެއްވަމުން ޖޭއެސްސީން ހާމަކޮށްފައިވާ ގޮތުގައި، އެ މަޤާމަށް ކުރިމަތިލެއްވި ފަރާތްތަކާ އިންޓަވިއު ކުރުމަށް ފަހު އެންމެ މަތިން މާކްސް ހޯއްދެވީ ޝަމީމެވެ. އަދި އައު މަސްއޫލިއްޔަތާ ޙަވާލުވެވަޑައިގަތުމާ ގުޅިގެން ކޮމިޝަނުން ވަނީ އޭނާއަށް މަރުޙަބާ ކިޔާފައެވެ.
މި މުހިންމު މަޤާމަށް އަލަށް އައްޔަންކުރެއްވި ޝަމީމަކީ އަމިއްލަ ލޯ ފާމެއް ހިންގަވަމުން ގެންދަވާ، ޤާނޫނީ ރޮނގުން ފާހަގަކޮށްލެވޭ ކުޅަދާނަ ވަކީލެކެވެ. މީގެ ކުރިން ޗީފް ޖުޑީޝަލް އެޑްމިނިސްޓްރޭޓަރުގެ ގޮތުގައި މަސައްކަތްކުރެއްވީ އަމްޖަދު މުޞްޠަފާއެވެ.