ދިވެހިރާއްޖޭގެ ރައީސުލްޖުމްހޫރިއްޔާއަކީ އެއްވެސް މާހައުލަކުން, އެއްވެސް ނޫސްވެރިން ނެރެ ފޮނުވާލުމުގެ ޤާނޫނީ ބާރު އޮތް ފަރާތެއް ނޫންކަމަށް އެމްޑީޕީގެ ރައީސް އަބްދުﷲ ޝާހިދު ވިދާޅުވެއްޖެއެވެ.
މީސްމީޑިއާ އެކްސްގައި ހިއްސާ ކުރެއްވި ޕޯސްޓެއްގައި ޝާހިދު ވިދާޅުވީ، ނޫސްވެރިންގެ ބައްދަލުވުމުގައި ހުރި ނޫސްވެރިޔަކު ރައީސް މުއިއްޒުގެ އެންގެވުމަށް އެ ތަނުން ބޭރުކުރުމަކީ ވަރަށް ބޮޑު ކަންބޮޑުވުމެއް ކަމަށެވެ. ރައީސްއަށް ވިޔަސް ނޫސްވެރިންނަށް ސުވާލުކުރެވޭނެ ކަމަށާއި ސުވާލުކުރަން ފުރުސަތުނުދީ އެއްވެސް ތާކުން ބޭރުކޮށްލެވޭނެ ޤާނޫނީ ބާރެއް ނޯންނާނެ ކަމަށެވެ.
Seeing @AdhadhuMV journalist @MohamedShahzan removed from the President’s press conference at the President’s own direction is deeply troubling.
A President does not get to decide which journalists may ask questions and which must leave the room.
This is an attack on press…
— Abdulla Shahid (@abdulla_shahid) May 11, 2026
މީގެ އިތުރުން މިއީ މިނިވަން ނޫސްވެރިކަމަށް ދޭ ހަމަލާއެއް ކަމަށާއި ރާއްޖޭގެ ޑިމޮކްރެސީއަށް އޮތް އިންޒާރެއް ކަމަށް ޝާހިދު ފާހަގަ ކުރެއްވިއެވެ. އަދި ނޫސްވެރިކަމުގެ މިނިވަންކަމަށް އިހުތިރާމްކުރުމަށާއި ރައްޔިތުންގެ މި ހައްގަށް އިހުތިރާމްކުރުމަށް ރައީސް މުއިއްޒުއަށް ޝާހިދު ވަނީ ގޮވާލައްވާފައެވެ.
ރައީސުލްޖުމްހޫރިއްޔާގެ އޮފީހުގައި، ރައީސް ޑރ. މުޙައްމަދު މުޢިއްޒު ނޫސްވެރިންނާ ބައްދަލު ކުރެއްވުމަށް ބޭއްވުނު ރަސްމިއްޔާތުގައި އަދަދު ނޫނުގެ ނޫސްވެރިޔާ ކުރި ސުވާލާ ގުޅިގެން ރައީސް ވިދާޅުވީ، ނޫސްވެރިޔާ ކޯޓު އަމުރަކާ ޚިލާފުވެފައިވާ ކަމަށާއި، އެހެންކަމުން ނޫސްވެރިންގެ ބައްދަލުވުން ދޫކޮށް ބޭރަށް ދިއުމަށެވެ.