ދ. މީދޫ ކައުންސިލްގެ ރައީސްކަމުގެ މަޤާމަށް ބޭފުޅަކު އިންތިޚާބު ކުރުމަށްޓަކައި މިއަދު ބާއްވާ އިތުރުބުރުގެ ވޯޓުލުމުގައި، މެންދުރުފަހު އެކެއް ޖެހުމާ ހަމައަށް ޖުމްލަ 64 އިންސައްތަ މީހުން އެ މީހުންގެ ވޯޓުލުމުގެ ޙައްޤު އަދާކޮށްފި ކަމަށް އިލެކްޝަންސް ކޮމިޝަނުން ހާމަކޮށްފިއެވެ.
އިލެކްޝަންސް ކޮމިޝަނުން އާންމުކޮށްފައިވާ އެންމެ ފަހުގެ ތަފާސްހިސާބުތަކަށް ބަލާއިރު، މިހާތަނަށް 671 ފަރާތަކުން ވަނީ ވޯޓުލާފައެވެ. އޭގެ ތެރޭގައި ހިމެނެނީ 379 ފިރިހެނުންނާއި 292 އަންހެނުންނެވެ. މިއީ މި އިންތިޚާބުގައި ވޯޓުލުމުގެ ޝަރުޠު ފުރިހަމަވާ ޖުމްލަ 1049 މީހުންގެ ތެރެއިން ބޮޑު ބައެކެވެ. މުޅި އާބާދީގައި ވޯޓުލުމުގެ ޙައްޤު ލިބިފައި ވަނީ 566 ފިރިހެނުންނާއި 483 އަންހެނުންނަށެވެ.
މި ރަށުގެ ކައުންސިލް ރައީސް ކަމުގެ ގޮނޑިއަށް ވާދަކުރައް ވަނީ ވެރިކަންކުރާ ޕީޕަލްސް ނޭޝަނަލް ކޮންގްރެސް (ޕީއެންސީ)ގެ ފަރާތުން ސުހާ އިބްރާހީމްގެ އިތުރުން މޯލްޑިވިއަން ޑިވެލޮޕްމެންޓް އެލަޔަންސް (އެމްޑީއޭ) ތަމްސީލުކުރައްވާ ކެންޑިޑޭޓް މުޙައްމަދު ޝާހިދެވެ.
އިލެކްޝަންސް ކޮމިޝަނުން މަޢުލޫމާތުދޭ ގޮތުގައި، މި ވޯޓުލުމުގެ ހަރަކާތްތައް މިއަދު ހަވީރު 4:00އާ ހަމައަށް މެދުކެނޑުމެއްނެތި ކުރިއަށްދާނެއެވެ.