މޯލްޑިވްސް ބިއުރޯ އޮފް ސްޓެޓިސްޓިކްސްގެ ޗީފް ސްޓެޓިސްޓީޝަންގެ މަޤާމަށް ޑރ. އަޙްމަދު ރިޔާޒް އައްޔަންކުރައްވައިފިއެވެ.
އެ އިދާރާއިން މަޢުލޫމާތު ދީފައިވާ ގޮތުގައި، 2026ވަނަ އަހަރުގެ އޮގަސްޓު މަހުގެ 23ވަނަ ދުވަހުން ފެށިގެން ރިޔާޒު އެ މަސްއޫލިއްޔަތާ ހަވާލުވެވަޑައިގަންނަވާނެކަން މިއަދު ވަނީ އިޢުލާނުކޮށްފައެވެ. ޤާނޫނު ބަޔާންކުރާ ގޮތުގެ މަތިން އެމް.ބީ.އެސްގެ ދުވަހުން ދުވަހުގެ މަސައްކަތްތައް ރާވައި ހިންގުމުގެ އެންމެހައި ޒިންމާތައް އުފުއްލަވާނީ އަލަށް އައްޔަންކުރެއްވި ޗީފް ސްޓެޓިސްޓީޝަނެވެ. ނަމަވެސް، އެ އިދާރާގެ މަސައްކަތްތައް ކުރިއަށްދާނީ މާލީ ވުޒާރާގެ ވަޒީރުގެ އިރުޝާދާއި ލަފާގެ މަތިންނެވެ. މީގެ އިތުރުން، އެމް.ބީ.އެސްއާ ގުޅުންހުރި އެކިއެކި ކަންކަމުގައި ރައްޔިތުންގެ މަޖިލީހަށް ޖަވާބުދާރީވުމުގެ ޤާނޫނީ ޒިންމާ މަތިކޮށްފައިވަނީ ސީދާ މާލީ ކަންކަމާ ހަވާލުވެހުންނެވި ވަޒީރަށެވެ.
We are pleased to announce the appointment of Dr. Ahmed Riyaz as Chief Statistician of Maldives Bureau of Statistics effective from 23 August 2026.@MoFmv pic.twitter.com/VLXGZRFgYY
— Statistics Maldives (@statsmaldives) September 2, 2026
ރާއްޖޭގެ ތަފާސްހިސާބުގެ ޤާނޫނު ވުޖޫދަށް ގެނައުމުގެ އެންމެ ބޮޑު އެއް މަޤުޞަދަކީ ޤައުމީ ފެންވަރުގައި މަޢުލޫމާތު އެއްކުރުމުގެ ނިޒާމު ހަރުދަނާކޮށް، ދެފުށް ފެންނަ އިތުބާރުހިފޭ ގޮތަކަށް އެ މަސައްކަތް ބައްޓަންކުރުމެވެ. އެގޮތުން، ރާއްޖޭގެ އިޤްތިޞާދާއި، އިޖުތިމާޢީ ފޭރާމުގެ އިތުރުން ތިމާވެއްޓާ ގުޅުންހުރި މުހިންމު ތަފާސްހިސާބުތައް ޔަޤީންކަމާ އެކު އެއްކޮށް، އާންމުކޮށް ފޯރުކޮށްދިނުމަކީ މި ޤާނޫނުގެ ތެރެއިން ކަށަވަރުކޮށްދޭ ކަމެކެވެ.