ޒުވާން ޖީލު ދުންފަތާ ދުރުކުރުމަށް އެކަށައަޅުއްވާފައިވާ “ޖެނެރޭޝަނަލް ބޭން”އަށް އާންމުންގެ ހިޔާލަށް ރައީސް ޑރ. މުހައްމަދު މުއިއްޒު މިއަދު ހުޅުވާލައްވައިފި އެވެ.
ރައީސް މުއިއްޒު އިއްޔެ ވިދާޅުވި ގޮތުގައި ވިސްނުންފުޅުހުރީ ތިން ތާރީހަކުން ފެށިގެން އުފަންވާ ފަރާތްތަކަށް ދުންފަތުގެ އިސްތިއުމާލުކުރުން މަނާކުރާ ގޮތަށް ނިންމުމަށެެވެ. ނަމަވެސް އެ ތާރީހުތަކާ މެދު ގޮތެއް ނިންމާނީ ކަމާ ބެހޭ ފަރާތްތަކުގެ މަޝްވަރާއާއެކު ކަމަށް ވެސް ރައީސް ވިދާޅުވި އެވެ.
ރައީސް އިއްޔެ ހުށަހެޅުއްވި ހުށަހެޅުންތައް
- 2007 ވަނަ އަހަރުގެ ޖެނުއަރީ 1 އިން ފެށިގެން އުފަންވީ އަދި އުފަންވާނެ ހުރިހާ ކުދިންނަށް ދުންފަތުގެ އިސްތިއުމާލު ކުރުން މަނާކުރުން
- 2004 ވަނަ އަހަރުގެ ޖެނުއަރީ 1 އިން ފެށިގެން އުފަންވީ އަދި އުފަންވާނެ ހުރިހާ ކުދިންނަށް ދުންފަތުގެ އިސްތިއުމާލު ކުރުން މަނާކުރުން
- 2000 ވަނަ އަހަރުގެ ޖެނުއަރީ 1 އިން ފެށިގެން އުފަންވީ އަދި އުފަންވާނެ ހުރިހާ ކުދިންނަށް ދުންފަތުގެ އިސްތިއުމާލު ކުރުން މަނާކުރުން
ރައީސް މުއިއްޒު މިއަދު އެކްސްގައި ވަނީ އެ ތިން ހުށަހަޅުމާމެދު އާންމުންގެ ވޯޓަކަށް އައްސަވައި “ޕޮލް” އެއް ފައްޓަވައިފަ އެވެ.
If a generational ban on smoking were to be implemented in the Maldives, to protect the health of our youth and future generations from the harmful effects of smoking, which of the following would be the most appropriate starting point?
— Dr Mohamed Muizzu (@MMuizzu) April 3, 2025
އެ “ޕޯލް”ގައި މިހާތަނަށް ވޯޓު ދިން ގޮތަށް ބަލާއިރު ގިނަ ބަޔަކު ވޯޓު ދީފައިވަނީ 2000 ވަނަ އަހަރުން ފެެށިގެން އުފަންވި ފަރާތްތަކަށް ދުންފަތް މަނާކުރުމަށެވެ، އެއީ ވޯޓުގެ 50 ޕަސެންްޓް އެވެ.
އަދި ދެވަނައަށް އެންމެ ގިނަ ބަޔަކު ވޯޓު ދިނީ 2007 އަހަރުން ފެށިގެން ވޯޓު ދިން ފަރާތްތަކަށް ދުންފނަތް މަނާކުރުމަށެެވެ. އެއީ 42 ޕަސެންޓް ވޯޓެވެ.
ރައީސް މުއިއްޒު އިއްޔެ ވިދާޅުވި ގޮތުގައި “ޖެނެރޭޝަން ބޭން”އާ ގުޅޭ ކެބިނެޓް ކަރުދާހެއް، ދިރާސާ ކުރައްވައިގެން ތައްޔާރުކުރެއްވުމަށް ހެލްތު މިނިސްޓަރު އަބްދުﷲ ނާޒިމް އިބްރާހީމް މިހާާރު ވަނީ ހަވާލުވެސް ކުރައްވައިފަ އެވެ. އަދި އެ ކަރުދާސް ތައްޔާރުކުރުމުގައި ކަމާ ގުޅޭ ފަރާތްތަކުގެ ތެރޭގައި ހިމެނިވަޑައިގަންނަވާ ޑޮކްޓަރުންނާއި އަދި އެނޫން ވެސް ފަރާތްތަކުގެ މަޝްވަރާ ހޯއްދަވަން އިރުޝާދު ދެއްވާފައިވާނެކަމަށް ވެސް އެމަނިކުފާނު ވިދާޅުވި އެވެ.