
މޫސުމީ ކާރިސާގައި ޙާލަތު ގޯސްވެފައި އޮތް ސްރީލަންކާގައި ޕާޓީ ކުރަމުންދިޔަ ޒުވާނުންތަކެއް މަސްތުވާތަކެއްޗާއެކު ލަންކާއިން ހައްޔަރުކޮށްފިއެވެ.
އެ ޤައުމުގެ މީޑިއާ ރިޕޯޓުތައް ބުނާގޮތުން، ވެލިކަޑަ ފުލުހުންގެ އޮފިސަރު އިންޗަރޖު އޯއައިސީ ސަމަން ޖަޔަސިންހަގެ ބެއްލެވުމުގެ ދަށުން ހިންގުނު އޮޕަރޭޝަނެއްގައި ވަނީ 33 ފިރިހެނުންނާއި 2 އަންހެނުން ފުލުހުނެގެ ބެލުމުގެ ދަށަށް ގެންގޮސްފައެވެ. ހައްޔަރަށް ގެނެވުނު މީހުންގެ އުމުރު 20 އަހަރާއި 35 ދެމެދުކަމަށް ފުލުހުންނާ ހަވާލާދީ މީޑިއާތައް ބުނެއެވެ.
މި މައްސަލަގައި ހައްޔަރު ކުރެވުނު މީހުން ޕާޓީ ކުރަމުންދިޔަތަން ބަލައި ފާސްކުރުމުން މަސްތުވާތަކެތީގެ ބާވަތްތަކެއް ކަމަށްވާ، ހެރޮއިންއާއި އައިސް ޕިލްސް އަދި ކެނަބިސް ފަދަ ތަކެތި ފެނިފައިވާކަމަށް އެ ގައުމުގެ މީޑިއާތައް ބުނެއެވެ.

