ރައީސް ޑރ. މުހައްމަދު މުއިއްޒު ދުންފަތް ކޮންޓްރޯލްކުރުމަށް ކުރައްވާ މަސައްކަތްތަށް ފާހަގަކޮށް ޑަބްލިއުއެޗްއޯއިން ހާއްސަ އެވޯޑެއް އެމަނިކުފާނަށް އަރުވަން ނިންމައިފި އެވެ.
ދުންފަތުގެ އިސްތިއުމާލު ނުކުރާ ދުވަހުގެ ގޮތުގައި ބައިނަލްއަގުވާމީ ގޮތުން ފާހަގަކުރާ ދުވަހަ ގުޅިގެން ޑަބްލިއުއެޗްއޯއިން ދޭ އެވޯޑްތަކުގެ ތެރެއިން ރައީސް މުއިއްޒުއަށް އަރުވަން ނިންމާފައިވަނީ ޑަބްލިއުއެޗްއޯ ޑިރެކްޓާ ޖެނެރަލް ސްޕެޝަލް އެވޯޑް އެވެ.
ރައީސްއާއެކު އެ އެވޯޑް ދެން އަރުވަނީ މޮރިޝަސްގެ ހެލްތު މިނިސްޓްރީ އަށެވެ.
Congratulations Dr Mohamed Muizzu (@MMuizzu), President, #Maldives 🇲🇻, for receiving the WHO Director-General Special award, for #tobacco control, saving lives and creating a healthier future for all.
#WHA78 #NoTobacco pic.twitter.com/RTChnjfFyj
— World Health Organization South-East Asia (@WHOSEARO) May 19, 2025
ރައީސް މުއިއްޒުގެ ޒައާމަތުގައި ވަނީ މިދިޔަ އަހަރު ދުންފަތް ކޮންޓްރޯލް ކުރުމުގެ ގާނޫނަށް އިސްލާހު ގެނެސް ރާއްޖެއަށް ވޭޕް އެތެރެކުރުމާއި ވިއްކުމާއި އަދި ބޭނުންކުރުން ވެސް މަނާކޮށްފަ އެވެ. އަދި ސިނގިރެޓުން ނަގާ ޓެކްސްވެސް ބޮޑުތަނުން ވަނީ ބޮޑުކޮށްފަ އެވެ.
އޭގެ އިތުރުން 2007 އިން ފެށިގެން އުފަންވާ މީހުން ދުންފަތުގެ އިސްތިއުމާލުކުރުން މަނާކުރަން ބިލެއް ވެސް މި މަހު ވަނީ ފާސްކޮށްފަ އެވެ.