އަންނަ އަހަރު އޭޕްރީލް މަހު ބާއްވާ ކައުންސިލް އިންތިހާބަށް ބޭނުންވާ މުވައްޒަފުން ހޯދުމަށް އިލެކްޝަންސް ކޮމިޝަން (އީސީ) އިން ގެންދިޔަ ވޯކް-އިން އިންޓަވިއުއަށް 100އަށް ވުރެ ގިނަ މީހުން ހިނގައްޖެ އެވެ.
އިއްޔެ ވޯކް-އިން އިންޓަވިއު ކުރިއަށް ގެންދިޔައީ ކަލާފާނު ސްކޫލްގަ އެވެ. އެ ތަނަށް ފޯމު ހުށަހެޅި ފަރާތްތަކުގެ ތެރޭގައި ގިނައީ 18 އަހަރާއި 25 އަހަރާ ދެމެދު ޒުވާނުން ކަމަށް އީސީން ބުންޏެވެ.
އަދި އެންމެ ގިނައިން ފޯމު ހުށަހަޅާފައިވަނީ އޮފިސަރުންނަށާއި ސީނިއަރ އޮފިސަރުންގެ މަގާމަށް ކަމަށް އީސީން ބުންޏެވެ.
މިއަދު މިބޅްރޮގްރާމް ކުރިއަށް ގެންދަނީ ހުޅުމާލެ ފޭސް 2 ގައި ހުންނަ ކާމިލް ދީދީ ޕްރައިމަރީ ސްކޫލުގަ އެވެ. މިރޭ 10 ޖަހަން ފެން އެ ތަނުގައި ވޯކް-އިން އިންޓަވިއު ކުރިއަށް ގެންދާނެ އެވެ.
ވޯކް-އިން އިންޓަވިއުއަށް ހާޒިރުވާއިރު އައިޑީ ކާޑު، ތައުލީމީ ސެޓްފިކެޓް އަދި ސީވީގެ ކޮޕީ ގެނައުމުން، ޝަރުތު ހަމަވާ ފަރާތްތަކަށް ފޯމު ހުށަހެމާއި ވަގުތުން އިންޓަވިއުކުރުމާއި ޕްރެކްޓިކަލް ޓެސްޓް ހެދުމުގެ އިންތިޒާމްތައް ވެސް ވަނީ ހަމަޖެހިފައެވެ.