މި އަންނަ ހުކުރު ދުވަހު ފާހަގަކުރާ މި އަހަރުގެ އަޟްހާ އީދު ދުވަހާ ދިމާކޮށް ފަލަސްތީނުގެ ގާޒާގައި ދިރިއުޅެމުން އަންނަ ރައްޔިތުންނަށް ސަދަގާތް ކުރުމުގެ ފުރުސަތު އުރީދޫ މޯލްޑިވްސްއިން ފަހިކޮށްދީފި އެވެ.
އެކަން ހާމަކޮށް އުރީދޫން ބުނީ އެމް-ފައިސާ މެދުވެރިކޮށް 162 ރުފިޔާ ސަދަގާތުގެ ގޮތުގައި ހޭދަކޮށްގެން ކޯންޑް ބީފް ދަޅެއް ގާޒާގެ ރައްޔިތުންނަށް ހަދިޔާ ކުރެވޭނެ އިންތިޒާމު މިހާރު ހަމަޖެހިފައިވާ ކަމަށެވެ. އެމް-ފައިސާ އެކައުންޓު ނަމްބަރަކީ 9306501 އެވެ.
އުރީދޫން ގާޒާގެ ރައްޔިތުންނަށް އެހީތެރިކަން ފޯރުކޮށްދޭން ނިންމާފައި ވަނީ އިންޓަނޭޝަނަލް އެއިޑް ކެމްޕެއިން (އައިއޭސީ) މެދުވެރިކޮށެވެ.
This Eid, your Sadaqah can make a real difference.
For just MVR 162, donate a can of protein-rich meat to families in Gaza, Palestine.
It’s simple, impactful, and just a few taps away on #mFaisaa.
To register to m-Faisaa, download 👉 https://t.co/XgVUPes98t@IACMaldives pic.twitter.com/ftkzgKNsLi— Ooredoo Maldives (@OoredooMaldives) June 2, 2025
ކޮންމެ ތަނެއްގައި ހުރެގެން ވެސް އެމް-ފައިސާ މެދުވެރިކޮށް ސަދަގާތް ކުރެވޭނެ އެވެ. ވުމާ އެކު ލިބިފައިވާ މި ފުރުސަތުގެ ބޭނުންކޮށް ގާޒާގެ ރައްޔިތުންނަށް ސަދަގާތް ކުރުމުގައި ދީލަތިވުމަށް އެ ކުންފުނިން ވަނީ އެދިފަ އެވެ.