ކޮންމެ ރަށެއްގައި އެއާޕޯޓް އެޅުމަކީ ތަރައްގީއަށް އޮތް ހުރަހެއް ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެ އެވެ.
މ. މުލީގައި އެއާޕޯޓުގައި ތަރައްގީކުރި އެއާޕޯޓް މިއަދު ރަސްމީކޮށް ހުޅުވާފައި ވަނިކޮށް ނަޝީދު އެކްސްގައި މިރޭ ވިދާޅުވީ ދަތުރުފަތުރުގެ ނިޒާމަކުން ރާއްޖޭގެ ރަށްތައް ގުޅުވާލާ ރަށު ބަންދުން ފިލުވުމަކީ ކޮންމެހެންވެސް ބޭނުންތެރިކަމެއް ކަމަށެވެ.
Dhathurufathuruge nizaamakun Raajjeyge rahthah gulhaalaa, Rayyithun rashu bandhun filuvumakee konmehen beynuntheri kameh. Ehenas Raajjeyge konme rashehgai airporteh elhumakee Raajjeyge tharaggee ah oiy nuhanu bodu huraheh. Kulhudhuffushi airport akee ves varah dherakoh kurevifai…
— Mohamed Nasheed (@MohamedNasheed) May 20, 2025
އެހެން ނަމަވެސް ރާއްޖޭގެ ކޮންމެ ރަށެއްގައި އެއާޕޯޓެއް އެޅުމަކީ ރާއްޖޭގެ ތަރައްގީއަށް އޮތް ނުހަނު ބޮޑު ހުރަހެއް ކަމަށް ރައްޔިތުންގެ މަޖިލީހުގެ ކުރީގެ ރައީސް ނަޝީދު ވިދާޅުވި އެވެ.
އަދި ކުޅުދުއްފުށި ސިޓީގައި އެއާޕޯޓެއް އެޅުމަކީވެސް ވަރަށް ދެރަކޮށް ކުރި ކަމެއްކަން ފާހަގަކުރައްވައި ނަޝީދު ވިދާޅުވީ މި ސަރުކާރުން ކުރިން ގދ. ތިނަދޫގައި އަޅަން އުޅުނު އެއާޕޯޓު އެޅުން ވެސް ވާނީ ހެދޭ އިތުުރު ގޯހެއް ކަމަށެވެ.
“ފައިނުގައި ވެސް އެއާޕޯޓެއް އެޅުން ރަނގަޅެއް ނޫން” ނަޝީދު ވިދާޅުވި އެވެ.
މިއަދު މުލީގައި ހުޅުވި އެއާޕޯޓަށް 540 މިލިއަން ރުފިޔާ ހަރަދުކޮށްފައިވާ އިރު އެެއް އެއާޕޯޓާއި ކަރީގައި އެހެން އެއާޕޯޓް ތައް ތަރައްގީކުރާތީ ފާޑުކިޔުން ބޮޑެވެ.
ސަރުކާރުން މިހާރުވެސް ދަނީ 10 މިނެޓުން ދެވޭހާ ކައިރީގައި އޮންނަ ދެ ރަށް ކަމަށްވާ ފ.ނިލަންދޫ އަދި އެ އަތޮޅު މަގޫދޫގައި އެއާޕޯޓެއް ތަރައްގީ ކުރަމުންނެވެ.