މޯލްޑިވްސް ކަރެކްޝަނަލް ސާވިސްގެ އައްސޭރި ޖަލުގައި ހުންނަ ކުޑަކުދިންގެ ކަރެކްޝަނަލް މަރުކަޒުތަކުގައި ހުކުމް ތަންފީޒު ކުރަމުންދާ ކުދިންނާއި ބަންދު ކޮށްފައިވާ ކުދިންނަށް އަމާޒު ކޮށްގެން “އުނގެނެމާ” ޕްރޮގުރާމް ފަށައިފިއެވެ.
ހަތަރު ކުޑަކުދިންނާއެކު ފެށި އެ ޕްރޮގްރާމް އަންނަ މަހުގެ 20އާ ހަމައަށް ކުރިއަށްދާނެ ކަމަށް ވެސް ކަރެކްޝަންސްއިން ބުންޏެވެ. ހަތަރު ކުޑަކުދިންނެވެ.
އެ ޕްރޮގްރާމްގެ ދަށުން ބައިވެރިންނަށް ގާނޫނާއި ގަވާއިދާއި ނަފުސާނީ ދުޅަހެޔޮކަމާއި ޕާސަނަލް ޑިވޮލޮޕްމަންޓް ކްލާސްތަކާއި ނަމާދާ ބެހޭ ވޯކްޝޮޕް އަދި ހަތަރު ދީނީ ދަރުސް ކުރިއަށް ގެންދާނެ ކަމަށް ވެސް ކަރެކްޝަންސްއިން ބުންޏެވެ.
އެ ޕްރޮގުރާމުގެ މައިގަނޑު މަގުސަދުތަކަކީ ކަރެކްޝަންސްގެ ބެލުމުގެ ދަށުގައި ތިބި ކުދިންގެ ހިތްތަކުގައި އިސްލާމް ދީނަށް ލޯބި އުފެއްދުމާއި، އިސްލާމްދީނުގެ އަސާސީ މައުލޫމާތު ފޯރުކޮށްދީ، ދީނުގެ އުސޫލުތަކާ އެއްގޮތަށް ޢަމަލުކުރާ ބަޔަކަށް ހަދައި ނަފުސާނީ ގޮތުން ހޭލުންތެރިކަން އިތުރުކޮށް، އަމިއްލަ ނަފްސު ދެނެގަނެ ބަލައިގަންނާނެ ގޮތް ބުނެދިނުން ކަމަށް ކަރެކްޝަންސްއިން ބުންޏެވެ.
އޭގެ އިތުރުން ތަފާތު ތިޔަރީތަކުގެ އަލީގައި އަމިއްލަ ނަފުސަށް ކުރާ އިތުބާރު އިތުރުކޮށް، ހުކުމް ތަންފީޒު ކުރަމުންދާ ނުވަތަ ބަންދު ކޮށްފައިވާ ކުދިންނަކީ މުޖުތަމައުއިން އެކަހެރިކޮށްފައިވާ ބައެއް ނޫންކަން އެކުދިންނަށް އިހުސާސްކޮށްފީ ދިރިއުޅުމުގައި ދިމާވާ ގޮންޖެހުންތަކަށް ކެތްތެރިކަމާއެކު ކުރިމަތިލުމުގެ ޤާބިލުކަން އުފެއްދުން ވެސް މަގުސަދުތަކުގެ ތެރޭގައި ހިމެނޭ ކަމަށް ކަރެކްޝަންސްއިން ބުންޏެވެ.