ބަންގީގެ އަޑު މަޑުކުރަން މާލޭ ސިޓީ ކައުންސިލްއިން އެންގިކަމަށް ބުނާ ވާހަކަ މޭޔަރު އާދަމް އާޒިމް ދޮގުކުރައްވައިފި އެވެ.
ހުޅުމާލޭގައި ބަންގީގެ އަޑު މަޑުކަމަށް ބުނެ އިދިކޮޅު އެމްޑީޕީގެ މެމްބަރަކު ރައްޔިތުންގެ މަޖިލީހުގެ މިއަދުގެ ޖަލްސާގައި ކުރެއްވި ސުވާލަކަށް ޖަވާބު ދެއްވަމުން އިސްލާމިކް މިނިސްޓަރު މުހައްމަދު ޝަހީމް އަލީ ސައީދު ވިދާޅުވީ މިސްކިތްތަކުގެ ސައުންޑް ސިސްޓަމްގެ ކޮންޓްރޯލް އޮންނަނީ މާލެ ސިޓީ ކައުންސިލްގެ ދަށުގައި ކަމަށެވެ.
އަދި ބަންގީގެ އަޑު ވީހާވެސް ދުރަށް އިއްވުމަށް އަންގާފައިވާ ކަމަށާއި އެ ސައުންޑް ސިސްޓަމްތަކާ ނުކުޅެން ތަކުރާރުކޮށް ސިޓީ ކައުންސިލްއަށް އަންގަމުންދާ ކަމަށް ވެސް މިނިސްޓަރު ވިދާޅުވި އެވެ. އަދި އެހެން އޮންނައިރު ސިޓީ ކައުންސިލުގައި ތިބި ބަޔަކު ގޮސް އޭގެ އަޑު މަޑު ކުރުމަކީ މިނިސްޓްރީގެ މައްސަލައެއް ނޫންކަމަށް ވެސް މިނިސްޓަރު ވިދާޅުވި އެވެ.
މިނިސްޓަރުގެ ތުހުމަތުތަކާ ގުޅިގެން މާލޭގެ މޭޔަރު، މިނިސްޓަރު ޝަހީމް ޓެގްވެސް ކުރައްވައި އެކްސްގައި ވިދާޅުވީ ޝަހީމް ދެއްކެވި ވާހަކަތަކަކީ ކަނޑައެޅިގެން ދޮގެއް ކަމަށެވެ.
Kada elhigen bodu dhogeh @Mohamedshaheem1
Ekahala kameh council in kohffa nuvaane. Bangeege adu madukoh gadha kuraanee Ministry ge instruction ah ministry in vazeefaa dheefavaa mudhim. https://t.co/gyWONKfxQE— Adam Azim, Mayor of Male’ City (@adamazim) October 22, 2025
އަދި އެފަދަ ކަމެއް މާލޭ ސިޓީ ކައުންސިލްއިން ކޮށްފައި ނުވާނެ ކަމަށް ވެސް މޭޔަރު ވިދާޅުވި އެވެ.
“ބަންގީގެ އަޑު މަޑުކޮށް ގަދަ ކުރާނީ މިނިސްޓްރީގެ އިންސްޓްރަކްޝަންއަށް މިނިސްޓްރީއިން ވަޒީފާ ދީފައިވާ މުދިން” މޭޔަރު ވިދާޅުވި އެވެ.
ބަންގީގެ އަޑު މަޑުކަމަށް ބައެއް ފަރާތްތަކުން ބުނާއިރު ބަންގީގެ އަޑު މާ ގަދަކަމަށް ބުނެވެސް ބައެއް ފަރާތްތަކުން ޝަކުވާ ކުރެއެވެ.