ގަވާއިދާ ހިލާފަށް ރާއްޖޭގައި އުޅޭ ބިދޭސީންނަށް އަމާޒުކޮށްގެން ޑިޕާޓްމަންޓް އޮފް އިމިގްރޭޝަނުން ކުރިއަށް ގެންދާ ރެއިޑް އޮޕަރޭޝަންތަކުގެ ތެރެއިން މާލޭގައި އިއްޔެ ކުރިއަށް ގެންދިޔަ ރެއިޑުގައި 15ބިދޭސީއަކު އިމިގްރޭޝަނުގެ ބެލުމުގެ ދަށަށް ގެންގޮސްފިއެވެ.
އިމިގްރޭޝަނުން ބުނީ އެ އޮޕަރޭޝަންގެ ދަށުން، މާލޭ ފީރޯޒުމަގު އަދި ކެނެރީމަގުގައި ހުންނަ އެކަމަޑޭޝަން 2ބްލޮކެއް ވަނީ ބަލައި ފާސްކޮށްފައިވާ ކަމަށާއި ޖުމްލަ 113ބިދޭސީއަކު ޗެކްކޮށްފައިވާ ކަމަށެވެ. އަދި ގަވާޢިދާ ޚިލާފަށް ތިބި 16ބިދޭސީއަކު ހައްޔަރުކުރި ކަމަށް ވެސް އިމިގްރޭޝަނުން ބުންޏެވެ.
އިމިގްރޭޝަނުން އިއްޔެ ޗެކްކުރި ތަންތަނުގެ ތެރޭގައި ނުތާހިރުކޮށް، ރޮށި ފިހާ ތަނެއް ވެސް ހިމެނެއެވެ. ދިވެހި ފުލުހުން ހާމަކޮށްފައިވާ ގޮތުގައި އެއްވެސް ހުއްދައެއް ނެތި ވިޔަފާރި އުސޫލުން ރޮށި ފިހެ ވިއްކަމުންދިޔަ އެ ތަން މިހާރު ވަނީ ބަންދުކޮށްފައެވެ.