ބްރިޖް ހައިވޭގައި ސައިކަލަކާއި ޕިކަޕެއް ޖެހި ނުރައްކާތެރި އެކްސިޑެންޓެއް ހިނގައިފިއެވެ.
ފުލުހުން ބުނީ، ހައިވޭ މާލެއިން ހުޅުމާލެއަށް ދާ ލޭންގެ 4ވަނަ ލޭން ނިމޭ ހިސާބުގައި ސައިކަލަކާއި ޕިކަޕެއް ޖެހި އެކްސިޑެންޓް ވެފައިވާކަމުގެ މައުލޫމާތު މިއަދު ހެނދުނު 9:00 އެހާކަންހާ އިރު ފުލުހުންނަށް ލިބިފައިވާ ކަމަށެވެ.
މި އެކްސިޑެންޓުގައި އަނިޔާވެފައި ވަނީ، ސައިކަލު ދުއްވަން އިން 28 އަހަރުގެ ދިވެހި ފިރިހެނަކަށާއި، ސައިކަލުގެ ފަހަތުގައި އިން 22 އަހަރުގެ އަނqހެނަކަށް ކަމަށާއި، މި ދެމީހުންނަށް ވެސް އައިޖީއެމް ހޮސްޕިޓަލުގައި ފަރުވާދެމުން ދާ ކަމަށް ފުލުހުން ބުންޏެވެ.
މީގެ އިތުރުން ފުލުހުން ބުނީ، ސައިކަލު ދުއްވަންއިން 28 އަހަރުގެ މީހާގެ ކަނާތު ކޮނޑު ހުޅުނެއްޓި އެކި ވަރުގެ އަނިޔާތައް ލިބިފައި ވާކަމަށެވެ. އަދި 22 އަހަރުގެ އަންހެން މީހާއަށް ވެސް އެކި ވަރުގެ އަނިޔާތައް ލިބިފައިވާ ކަމަށް ވެސް ފުލުހުން ވަނީ ބުނެފައެވެ.
މި މައްސަލަ ފުލުހުން ދަނީ ތަހުގީގު ކުރަމުންނެވެ.